سألني صاحبي الفقي
جالك منين إلهام
قلت من ضل شجرة توت .
في زروة الظهرية .
من سمكة لما تفوت .
تجري وهي صبية .
حوليها يجري سمك
من إنعكاس الشمس .
الوانه فضية .
في جحرها ملكوت .
و حكاوي مش بتموت .
تتحكي ساعة عشية .
من أم مال ظهرها .
علي شان تربي طفلها .
من أب رجله اتشققت .
من الفجر للعصرية .
علشان يوفر للضنا عيشة هنية .
من شيئ بيتلصص عليك .
لاهو سايبك في موالك .
و لا جاه يوم وخد بإديك .
من لون بني أدمين .
الشمس قالت مين .
يحكي غناويهم .. و مين
يزرع ربيع ليهم .. و مين
يرسم علي جبينهم .. و مين
لوون خضار عينهم .. و مين
خلي الأمل يتمد .. و مين
عاش يومه بعد الغد .. و مين
قال للنسيم والبحر .
جمال ده حقيقي وَلَّا سحر .. و مين
كان للجمال عاشق .
و قال للاسود .
يا سيد الالوان .
و قال للابيض .
كلك صفاء وأمان .
و للأحمر كمل علم بلدي .
و نسر كمان
علم بلدي
يرفرف في سماء الأوطان .
تراب بلدي
علي راسي و في الوجدان .
و ضحكة طفل بيغني .
في وسط الكون ومستني .
لاحلامة تشوف النور .
و أماله تعدي بحور .
بالونها
نهارها و وليل وسكنها .
بمد و جزر حكويها .
و دمع بيتغسل فيها .
و ضحك و لعب ماليها .
وصخر بيتنحت من البحر .
جمال ده حقيقي ولا سحر .
و من ناس صارعت الأزمان .
علشان طموحاتها ليها كيان .
و كسرت حاجز النسيان .
شحته اللبان
الخانكة.. محافظة القليوبية
التعليقات على الموضوع